Geméiszopp
01/09/2020
Persons
6
Prep Time
20 minutes
Cook Time
30 minutes
Total Time
50 minutes
Notes
Tippen:
Et kann een aus esou gutt wéi all Geméis eng Zopp maachen. Wat net esou gutt klappt, ass Staangenzelleri, well een deen net esou gutt meixt kritt.
Wann ee keng Courgetten an d’Zopp mécht, muss ee Gromperen dramaachen, fir ze bannen.
Getoastent Brout oder Paangech passe gutt bei d’Zopp.
Ingredients
- 1 l Waasser
- 600 g Courgetten
- 200 g Wuerzelen
- 1 Ënn
- 2 ZL Ueleg
- 1 Geméisküb
- 1 Putsch Péiterséileg
- Peffer
- Salz
Instructions
- D’Ënn schielen a kleng schneiden.
- D’Courgettë wäschen a schneiden; d’Wuerzele schielen an a Stécker schneiden. D’Geméis kann a graff Stécker geschnidde ginn.
- Den Ueleg an engem Dëppe waarm maachen an d’Ënnen ubroden, bis se glaseg sinn.
- D’Geméis dobäiginn an och kuerz brode loossen.
- De Küb am waarme Waasser opléisen.
- D’Waasser mam Küb an d’Dëppe schëdden, de Péiterséileg wäschen an d’Stiller erofschneiden.
- De Péiterséileg an d’Zopp ginn.
- Dat Ganzt mat Peffer a Salz wierzen. Dann den Deckel op d’Dëppe maachen an op klenger Flam kache loossen.
- No 30 Min. d’Zopp mixen. Wa se net flësseg genuch ass, nach e bësse Waasser dobäimaachen. Et kann een och e bësse Mëllech oder Ram damaachen.