Mir sichen eise Wee

Mir wëlle selwer sichen,

wourëms et eis am Liewe geet.

Amplaz eis ze bekrichen,

ziele mir op Mënschlechkeet.

Mir laachen a mir sangen,

dat bréngt eis alleguer méi wäit,

mir schaffen a mir plangen

well eis all vill um Fridde läit.

A mir sichen eise Wee,

Dag fir Dag en neie Wee,

an dës Weeër feieren alleguer

ons Scouten an d’Natur.

Et sinn d’Steng an et sinn d’Beem,

déi erfëllen all eis Dreem,

a si weisen eis, dee richtege Wee

Ons Scoute kenn dir fannen

wou d’Léit all schaffen Hand an Hand.

Fir d’Zukunft ze gewannen,

Si mir eis eens vu Land zu Land.

Een un deen aneren denken,

dat ass wat eis zesummen hält,

‘t ass Zäit fir unzefänken,

mat enger neier schéiner Welt.