Material:  /

Unzuel u Spiller: minimum 8

D’Spiller stellen sech an ee Krees. Eng Persoun geet an d’Mëtt vum Krees. Et ginn verschidde Beweegungen definéiert, déi jeeweils zu 3 Persounen mussen ausgefouert ginn. Am Ufank fänkt een am einfachsten mat 3 méigleche Beweegungen un. No an no kënne méi Beweegungen bäikommen. D’Persoun an der Mëtt wéisst elo op eng Persoun am Krees an nennt eng Beweegung. Déi genannte Persoun an hier 2 Noperen mussen elo séier d’Beweegung richteg duerstellen. Ween e Feeler mécht wiesselt mat der Persoun an der Mëtt.

Méiglech Beweegungen:

Beweegung	lénks	Mëtt	riets
Elefant	En Ouer vum Elefant duerstellen	e Rüssel mat den Äerm duerstellen	En Ouer vum Elefant duerstellen
Afen	Hänn op Mond (seet näischt)	Hänn op Oueren (héiert näischt)	Hänn op Aen (gesäit näischt)
Palm	Mat den Äerm Palmblieder nomachen déi no bausse wedelen.	D’Äerm an d’Lucht strecken fir de Stamm duerzestellen.	Mat den Äerm Palmblieder nomachen déi no bausse wedelen.
Int	Wackelt mam Hënner	Schniewel mat den Hänn duerstellen	Wackelt mam Hënner
Toaster	Dem rietsen Noper d’Hänn ronderëm de mëttlere Spiller ginn.	Erop an erof sprangen	Dem lenken Noper d’Hänn ronderëm de mëttlere Spiller ginn.
Fësch	Eng Floss duerstellen	De Mond ronn op an zou maachen	Eng Floss duerstellen
Mixer	sech ronderëm sech selwer dréien	Äerm an Luucht, eng Hand iwwer all Noper	sech ronderëm sech selwer dréien

Tipp:

Hei sinn der Fantasie keng Grenze gesat fir nei Beweegungen ze erfannen.