Instructions

• De Grill vum Uewen op 180 °C virhëtzen, déi 4 Paprika wäschen an an zwee schneiden. D’Kären an dat Wäisst bannen eraushuelen.
• Op e Blech leeën a fir 10 Min. grillen, mat der Haut no uewen. Déi kann och mol schwaarz ginn. Mir maachen dat, fir d’Schuel erofzekréien, déi ass schwéier ze verdauen; et muss een dovunner vill räpsen.
• D’Tomate wëlle mir och ouni Schuel, dofir soll een e Kräiz an d’Tomat ritzen. Dann d’Tomate fir 20 bis 30 Sekonnen a kachend Waasser tauchen. Dat nennt een blanchéieren. Direkt duerno mat äiskalem Waasser ofschrecken. D’Tomate schielen, a 4 schneiden an d’Käre bannen och eraushuelen.
• D’Ënnen an de Knuewelek schielen an a Scheiwe vu 5 mm schneiden. D’Courgette an d’Aubergine wäschen an a Wierfele vun 3 cm schneiden.
• De Rosmarin an den Thymian wäschen a kleng haken.
• D’Haut vun de Paprika schielen. A Wierfele vun 3 cm schneiden.
• Mat 30 ml Ueleg an enger Pan d’Courgetten ubroden, 4 bis 5 Min., salzen a pefferen, dann eraushuelen. Dat nämlecht mat den Auberginne maachen.
• An der Pan d’Ënne mam Knuewelek ubroden, 3 bis 5 Min., mam Rescht vum Ueleg.
• Duerno alles zesummen an d’Pan maachen an zougedeckt 15 Min. lues goe loossen.